2 верасня, у шосты школьны дзень, які быў прысвечаны Дню беларускага пісьменства, вучні 5-9 класаў Грынкаўскай базавай школы прынялі ўдзел у інтэлектуальным квізе "Па старонках беларускага пісьменства". Рабяты ўспомнілі імёны і біяграфіі выдатных людзей, з якімі звязана ўзнікненне пісьменства на беларускіх землях, адказалі на гістарычныя пытанні, прадоўжылі прыказкі і прымаўкі. Таксама даведаліся, што ў Полацку ёсць помнік літары"Ў" і музей кнігадрукавання. Мерапрыемства садзейнічала паглыбленню ведаў вучняў пра гісторыю беларускага пісьменства.

Дзень беларускага пісьменства. У першую суботу верасня для вучняў пачатковых класаў Грынкаўскай базавай школы была праведзена гульнявая праграма "Ведаю роднае слова". У ходзе гульні вучні выконвалі розныя заданні: адгадвалі загадкі і рэбусы, былі ў ролі "перакладчыкаў", разыгрывалі дыялогі і гулялі ў беларускую гульню "Маша". Вучні яшчэ раз успомнілі сімволіку сваей краіны і выказалі словы пра тое, што вельмі важна ведаць і шанаваць сваю родную мову.