Выхаванцы дашкольнай групы штодзённа адпраўляюцца на прагулку. Знаходжанне на свежым паветры стварае выдатныя ўмовы для фізічнага развіцця і аздараўлення дзяцей, загартоўвання іх арганізму, а таксама станоўча ўплывае на іх настрой.
На чарговую прагулку выхаванцы адправіліся ў прышкольны лясок, каб даведацца пра асаблівасці сезонных змяненняў у прыродзе. Для дзяцей усё тут цікавае. Вось па ствале дрэва застукаў дзяцел, на галінцы рабіны заспрачаліся сінічкі. Але дзеці заўважылі, што пераважна ў лесе ціха, не чуваць спеву птушак. Такім чынам устанавілі элементарную залежнасць: цяпер халодная пара года і птушкі яшчэ не вярнуліся з выраю.
Таксам звярнулі ўвагу, што ў мурашніку не відаць мурашоў. Дашкольнікі ўважліва разглядалі дрэвы, параўноўвалі іх, назвалі прыкметы адрознення елкі ад сасны: іголкі ў елкі кароткія, а ў сасны – доўгія, шышкі ў сасны маленькія, а ў елкі – вялікія. Назіранні выклікаюць у іх інтарэс, шэраг пытанняў, на якія яны імкнуцца знайсці адказ.
У час прагулкі выхаванцы, акрамя назіранняў за прыродным асяроддзем, гулялі ў дыдактычныя гульні: “Запомні дрэва”, “Іголкі і голыя галінкі”. У працэсе гульні вучыліся адрозніваць хваёвыя і лісцевыя дрэвы.
Давялося выхаванцам адчуць сябе і юнымі эколагамі – сябрамі прыроды. Яны сабралі смецце, якое сюды прынёс вецер: гэта фанцікі ад цукерак, поліэтыленавыя пакеты.Была праведзена гутарка з дзецьмі аб тым, што прыроду трэба берагчы, неабходна дапамагаць зімуючым птушкам, нельга ламаць галінкі дрэў. Дзеці нагадалі правілы паводзін ў лесе ў час адпачынку: нельга паліць вогнішчы і пакідаць смецце.
Прагулка садзейнічала пашырэнню ўяўленняў дашкольнікаў аб навакольным свеце, развіццю іх назіральнасці, выхаванню беражлівых адносін да прыроды.
У рамках панарамы адкрытых урокаў "Метады і прыёмы візуалізацыі вучэбнай інфармацыі» ў 5 класе прайшоў урок англійскай мовы па тэме "У Полацку". На ўроку навучэнцы адправіліся на завочную экскурсію ў горад Полацк. Яны пазнаёміліся са знакамітымі месцамі ў городзе: музеем Беларускага кнігадрукавання, музеем-бібліятэкай Сімяона Полацкага, саборам Святой Сафіі, помнікам літары "Ў" і іншымі славутасцямі горада. Таксама вучні даведаліся пра знакамітых людзей, якія нарадзіліся тут і праславілі горад Полацк: гэта Ефрасіння Полацкая, Сімяон Полацкі, Францыск Скарына.
5 сакавіка ў шосты школьны дзень з вучнямі 5-9 класаў быў праведзены інтэрактыўны занятак “Сакрэты добрага настрою”.
В Свислочском районе проходит профилактическое движение «Чистые руки». Воспитанников детского сада, учащихся и педагогов приглашаем присоединиться к профилактическому движению.
