10 ліпеня ў лагеры "Грынландыя" прайшоў Дзень беларускай мовы і культуры - "Сінявокі цуд". У ходзе правядзення інфармбюро "Беларусь - міралюбівая краіна" дзеці даведаліся аб мерапрыемствах у нашай рэспубліцы, якія садзейнічаюць умацаванню міру, аб ролі прэзідэнта А.Р.Лукашэнкі ў міралюбівай палітыцы Беларусі. Пазнаёміцца з традыцыйнымі беларускімі стравамі дзеці змаглі ў час познавальнай гульні "Нацыянальная кухня Беларусі". У школьным музеі льну выхаванцы даведаліся пра развіццё ільнаводства ад старажытнасці да нашых часоў, пра прызначэнне і магічныя ўласцівасці розных відаў лялек, прадстаўленых у экспазіцыі "Лялька ў жыцці беларусаў". Арт-гульня "Што я ведаю пра Беларусь?" садзейнічала паглыбленню ведаў пра нашу краіну, яе прыроду, культуру, традыцыі. Творчыя здольнасці дзеці праявілі ў час конкурсу "Каб любіць Беларусь нашу мілую". Мерапрыемствы, праведзеныя на працягу дня, садзейнічалі выхаванню ў дзяцей грамадзянска-патрыятычных якасцей.