Пяты дзень тыдня роднай мовы прайшоў пад дэвізам “Родная мова – мова навукі”. У гэты дзень стартавала творчая акцыя “Чытаем Максіма Танка разам”.
Усе мерапрыемствы Тыдня развівалі пазнавальную і творчую актыўнасць, выхоўвалі ў дзяцей пачуццё калектывізму, узаемападтрымкі і ўзаемадапамогі, павышалі цікавасць і любоў да роднага слова. У гульнёвай форме вучні паказалі веды па раздзелах мовазнаўства, літаратуразнаўства. Навучэнцы ўбачылі і адчулі, наколькі багатая і прыгожая, мілагучная і самабытная беларуская мова. Дзеці з вялікім захапленнем прымалі ўдзел у прапанаваных мерапрыемствах.
Родная мова, цудоўная мова!
Ты нашых думак уток і аснова!
Матчын дарунак ад самай калыскі, −
Ты самацветаў яскравая нізка.
Падводзячы вынікі Тыдня, яшчэ раз упэўніваешся, што мы – беларусы – самабытны, таленавіты народ.

23 верасня 2022 года ў 10.45 ва ўстанове адукацыі ў рамках Адзінага дня бяспечнасці была праведзена практычная адпрацоўка плана эвакуацыі ў выпадку пажару і іншых надзвычайных сітуацый. Дырэктар установы адукацыі Парамонава Н.І. адзначыла, што пры правядзенні эвакуацыі недахопаў не выяўлена, нагадала аб тым, што неабходна выконваць правілы бяспечных паводзін у школе, на вуліцы, дома, пры паездках на аўтобусе і інш