28 кастрычніка ў Грынкаўскай базавай школе прайшоў Дзень узаемадзеяння з сям'ей. Вучні 5-9 класаў і іх бацькі сабраліся на сямейную гадзіну "Партрэт маёй сям’і". Удзельнікі мерапрыемства разважалі пра ролю сям'і ў жыцці кожнага чалавека, расказвалі пра свае сем'і. Актыўна працавалі вучні на творчым этапе. Яны намалявалі свае сем’і, а затым прэзентавалі малюнкі. Меркаванне аб малюнках выказаў Аляксандр Вітальевіч, бацька вучня 7 класа Надзеева Ягора. Ён адзначыў, што ў кожнай рабоце адчуваецца любоў дзяцей да сваіх бацькоў, узаемапавага і ўзаемаразуменне.
Мерапрыемства вельмі спадабалася і дзецям, і дарослым.