У летні час у дзяцей павінен быць актыўны адпачынак, прычым не толькі ад вучобы, але і ад гаджэтаў, у якіх яны праводзяць шмат часу. З мэтай умацавання здароўя дзяцей, фарміравання патрэбнасці ў здаровым ладзе жыцця 23 ліпеня праведзена спартыўная эстафета "Самыя хуткія і спрытныя», у якой прынялі ўдзел навучэнцы 5-8 класаў. Камандам былі прапанаваны займальныя конкурсы з бегам, скачкамі, з мячом, абручом, дзе яны змаглі праявіць свае спартыўныя здольнасці і навыкі. Удзельнікі паказалі спрыт, сілу, хуткасць і арганізаванасць. Усе дзеці атрымалі зарад бадзёрасці і масу станоўчых эмоцый.