У аўторак тэмай дня была “Родная мова ў культуры і мастацтве”. Сапраўдная барацьба адчувалася на квэст-гульне “Фальклор, фальклор – душа народа”, пад час якой навучэнцы замацоўвалі веды аб беларускім народным фальклоры. Вучні інсцэніравалі казкі, спявалі беларускія народныя песні, разгадвалі загадкі, не абышлося і без прыказак і прымавак. Асаблівае месца на квэст-гульне было адведзена народным традыцыям і святам Беларусі. Мерапрыемства садзейнічала выхаванню пачуцця гонару і павагі да нацыянальных традыцый, звычаяў, культуры народа, да беларускага фальклору. Гульня прайшла займальна, цікава і пазнавальна.